Чалавекам жэстаў і
ідэй назваў папу Францішка аргентынскі журналіст Серджыа Рубін, які на працягу доўгіх
гадоў сочыць за жыццём і дзейнасцю цяперашняга Пантыфіка. Некаторы час таму менавіта
ён, разам з італьянскай журналісткай Франчэскай Амбраджэцці, напісаў кнігу-біяграфію
Папы “El jesuita” (Езуіт). Сённяшняя “Avvenire” цытуе Рубіна, які падчас шматлікіх
размоў з кардыналам Берголіа аднёс уражанне, што іерарх думае не толькі аб цяперашніх
справах але і будучыні Касцёла. Арцыбіскуп Буэнас-Айрэса заўсёды адзначаўся блізкасцю
да народа. “Гэта сціплы і інтэлігентны чалавек, заўсёды далікатны ў адносінах да іншых”,
- прызнаўся журнлаіст.
Рубін напісаў таксама аб цяжкіх момантах у жыцці будучага
Папы, асабліва часах ваеннай дыктатуры ў Аргентыне (1976-1983 гг.). Біёграф прадстаўляе
даказы таго, што Берголіа не супрацоўнічаў з хунтай, але “дапамагаў шматлікім людзям”.
Акрамя таго, журналіст сцвярджае, што арцыбіскуп Буэнас-Айрэса быў “заўсёды гатовы
да дыялогу” адносна якой бы там ні было сацыяльнай праблемы. “Дзверы арцыбіскупскай
сядзібы былі заўсёды адчынены для тых, хто апынуўся ў патрэбе, цярпеў і меў праблемы”,
- адзначыў біёграф цяперашняга Папы. Як сведчанне, журналіст нагадаў, што Берголія
кожны год адпраўляў св. Імшу Вячэры Пана ў Вялікі Чацвер у месцах, дзе знаходзіліся
найбольш церпячыя асобы: сярод вязняў, хворых на СНІД, наркаманаў. Рубін сцвярджае,
што праблемы наркаманіі, сацыяльнага крызісу, беднасці, безпрацоўя заўсёды выклікалі
вялікую заклапочанасць арцыбіскупа Буэнас-Айрэса. “Я ўпэўнены, што падчас свайго пантыфіката
ён надасць ім вялікае значэнне”, - перакананы біёграф Папы.