Телеграма со честитки до Папата од Големиот имам на Ал-Азхар
Големиот имам на сунитскиот исламистички универзитет „Ал Азхар“ од Каиро Ахмед Ал-Тајеб
испрати телеграма со честитки до папата Фрањо во која му посакува „свет исполнет со
соработка и љубов, за да се загарантираат општо прифатените вредности и да се стави
крај на културата на омраза и нееднаквост“. Во телеграмата претставникот на Врховната
сунитска институција упатува честитки и до „браќата католици од Западот и Истокот
за нивниот избор“ со желба новиот понтификат да придонесе за почеток на една „позитивна
ера за сите народи во еден свет којшто се менува постојано и кој има потреба од стабилност
и мир“.