Апостальская Сталіца
мае дыпламатычныя адносіны, на розных узроўнях са 180 краінамі свету. Апошняй дзяржавай,
з якой яны былі ўстаноўлены, з’яўляецца Паўднёвы Судан. Гэта адбылося 22 лютага 2013
г. Святы Пасад таксама падтрымлівае дыпламатычныя адносіны спецыяльнага тыпу з рознымі
міжнароднымі арганізацыямі, рэгіянальнымі аб’яднаннямі, а таксама Еўрапейскім Саюзам,
Суверэнным Мальтыйскім Ордэнам і Арганізацыяй вызвалення Палестыны. Сетка дыпламатычных
сувязяў Апостальскай Сталіцы з’яўляецца адной з самых шырокіх у свеце, таму яе часта
называюць унікальным прыкладам “глабальнай дыпламатыі”.
Сярод еўрапейскіх краін,
самыя доўгія дыпламатычныя адносіны са Святым Пасадам мае Іспанія. Яны доўжацца з
XV ст. З Галандыяй такія адносіны былі заключаны яшчэ ў 1829 г., з Манака ў 1875 г.,
а Люксембургам у 1891 г. Многія лацінаамерыканскія краіны таксама маюць дыпламатычныя
адносіны з Апостальскай Сталіцай з ХІХ ст. У 1877 г. іх заключылі Аргентына, Уругвай,
Парагвай, Перу і Балівія. У 1929 г. – Бразілія, а ў 1935 г. – Куба.
Большасць
краін, з якімі Святы Пасад не мае дыпламатычных адносін, знаходзяцца на азіяцкім кантыненце.
Сярод іх такія дзяржавы як: Афганістан, Саўдаўская Аравія, Кітай, Паўночная Карэя,
Бірма, Вьетнам і некаторыя іншыя.
Сярод афрыканскіх краін не маюць дыпламатычных
адносін з Апостальскай Сталіцай толькі Самалі і Маўрытанія. Але тут прысутнічаюць
прадстаўнікі Папы пры мясцовым Касцёле.