Ambasadori shqiptar Rrok Logu: Papa kërkon përforcimin e dialogut mes feve e lidhjen
e marrëdhënieve diplomatike me Shtete të reja
Papa Françesku takoi ambasadorët e 180 Shteteve të akredituar pranë Selisë së Shenjtë. “Nuk
mund të ndërtohen ura ndërmjet njerëzve duke harruar Zotin”. Duke u folur në gjuhën
italiane diplomatëve, Papa Françesku e quan Ipeshkvin e Romës “ndërtues urash”, e
citon magjisterin e Benediktit XVI, thekson rëndësinë e dialogut me Islamin e vë si
pik të parë të agjendës së qeverive botërore luftimin e varfërisë. Në fjalimin e parë
“gjeopolitik” Papa Françesku tregoi linjat udhërrëfyese të papnisë. Kujtoi më tej
promovimin e vlerave të vëllazërimit, të drejtësisë e të paqes ndërmjet njerëzve e
Popujve, që Selia e Shenjtë e ka posaçërisht përzemër dhe kërkoi zbatimin e respektimin
e të drejtave njerëzore. Pastaj duke iu referuar Shteteve të botës, Papa Françesku
shprehu dëshirën për të zgjeruar e “ndërmarr udhën me ato pak Shtete që akoma nuk
kanë marrëdhënie diplomatike me Selinë e Shenjtë, disa prej të cilave – i falënderoj
nga zemra – kanë dashur të ishin të pranishme në Meshën e fillimit të shërbimit tim,
apo kanë dërguar mesazhe në shenjë të afërsisë”. Ndër 180 Ambasadorët e pranishëm
në audiencë me Papën Françesku qe edhe Ambasadori i Shqipërisë pranë Selisë së Shenjtë,
SH. T. Zoti Rrok Logu, i cili në mikrofonin e Radio Vatikanit shpreh mbresat nga
takimi me Atin e Shenjtë Bergoglio, ta dëgjojmë.......