Папа абмые ногі зняволеным калоніі для непаўналетніх
У Вялікі Чацвер, 28
сакавіка, папа Францішак будзе цэлебраваць св. Імшу Вячэры Пана ў рымскай калоніі
для непаўналетніх “Casal del Marmo”. “Св. Імша Вячэры Пана характарызуецца абвяшчэннем
запаведзі любові і абрадам абмыцця ног”, - адзначаецца ў спецыяльным паведамленні
Апостальскай Сталіцы, распаўсюджаным 21 сакавіка. Між іншым, падкрэсліваецца, што
падчас свайго служэння на пасадзе арцыбіскупа Буэнас-Айрэса кардынал Берголіа заўсёды
цэлебраваў гэту літургію ў адной з турмаў, бальніц ці прытулкаў для бедных і выкінутых
на ўзбочыну сацыяльнага жыцця. “Цэлебрацыяй у “Casal del Marmo” папа Францішак працягне
гэты звычай, які павінен адбыцца ў простых умовах ”, - падкрэсліваецца ў паведамленні
Святога Пасаду. Адзначаецца таксама, што ўсе іншыя цэлебрацыі ў рамках Вялікага Тыдня
пройдуць звычайным чынам.
Рымскую калонію для непаўналетніх “Casal del Marmo”
18 сакавіка 2007 г. наведваў папярэнік Францішка на пасадзе св. Пятра – Бэнэдыкт XVI.