Meshë për Papën në Katedralen e shën Palit në Tiranë
Nesër me datë 19 mars, në Ditën e shën Jozefit, në Sheshin e Shën Pjetrit në Vatikan,
Papa Françesku do të kryesojë Meshën e Shenjtë, me të cilën fillon Papninë të tij
si Pasardhësi i 266 i Shën Pjetrit. Qysh ditën që u zgjodh Papë, Ati Shenjtë Bergoglio
fitoi zemrat e njerëzve të mbarë botës me buzëqeshjen dhe thjeshtësinë e tij. Tani
fillon rrugëtimin e shërbimit të Kryebariut që ka për qëllim të udhëheqë Kishën e
Romës e nëpërmjet saj t’u prijë në dashuri të gjitha Kishave në të mbarë botën, duke
u bërë kështu Pjetër, shkëmbi mbi të cilin Hyji ndërton çdo ditë Kishën e Tij. Po
nesër më 19 mars, pas dite orën 17.00 edhe në kryeqytetin e Shqipërisë, pikërisht
në Katedralen e Shën Palit në Tiranë do të kremtohet Mesha për Papën, të cilën e udhëheq
kryeipeshkvi dioqezan Metropolit i Tirane-Durrësit, imzot Rrok Mirdita, së bashku
me Nuncin Apostolik në Shqipëri Sh. T. imzot Ramiro Molinar Ingles, i cili përfaqëson
Papën pranë Shtetit dhe Kishës shqiptare. Kryedioqeza e Tiranë-Durrësit ftoj të
gjithë përcjellin këtë eveniment të rëndësishëm për Kishën në kryeqytetin e Tiranës.