Папа Францішак да кардыналаў: евангелізацыя сёння важная, як і ў першыя гады хрысціянства
15 сакавіка папа Францішак
сустрэўся з членамі Калегіі Кардыналаў. Аўдыенцыя адбылася ў Клементыйскай Зале Апостальскага
палацу. Звяртаючыся да сабраных, Пантыфік падкрэсліў, што кардыналы з’яўляеюцца братамі
паміж сабой. Пасля чаго некалькі разоў у сваёй прамове ён адзначаў важнасць братэрства.
Святы Айцец лічыць, што актуальны перыяд мае для Касцёла вялікак значэнне. “Мы адчулі
любоў і паўсюдную салідарнанасць, таксама з боку тых, хто, не падзяляючы нашай веры,
глядзіць на нас з павагай”, - сказаў ён. Папа выказаў удзячнассць кардыналам за кіраванне
Касцёлам у перыяд “sede vacante”. Ён падзякаваў таксама хворым кардыналам і расказаў
што, аргентынскі пурпурат Хорхе Мэйя 15 сакавіка перажыў інфаркт і быў пакладзены
ў бальніцу.Святы Айцец узгадаў таксама пра свайго папярэдніка на Пасадзе св. Пятра,
якога назваў “папа Бэнэдыкт XVI”. “Ён запаліў у нас агонь, які будзе працягваць гарэць”,
- сказаў Пантыфік і падкрэсліў, што цяпер Касцёл будзе падтрыманы яго малітвай. Акрамя
таго, папа Францішак падкрэсліў важнасць навучання, пакоры і сціпласці свайго папярэдніка.
Святы
Айцец выказаў жаданне перш за ўсё служыць Евангеллю. “Мы ніколі не павінны паддавацца
песімізму і роспачы, якія сатана нам прапануе штодзённа”, - сказаў ён. Папа заклікаў
памятаць пра неабходнасць новых метадаў евангелізацыі, каб несці Евангелле, аж да
краю зямлі. Паводле яго, гэты абавязак застаецца такім жа важным сёння, як і ў першыя
гады хрысціянства.
Таксама Пантыфік звярнуў увагу на тое, што большасць кардыналаў,
гэта людзі пажылога ўзросту. “Старасць – сядзіба жыццёвай мудрасці. Падорым гэту мадрасць
маладым. Дадзём ім добрае віно”, - сказаў Папа. Пасля заканчэння прамовы, ён ўустаў,
каб асабіста прывітаць кожнага кардынала – удзельніка аўдыенцыі.