Папа прапанаваў суайчыннікам не прыяжджаць у Рым і дапамагчы бедным
Папа Францішак заклікаў
суайчыннікаў не прыязджаць у Рым на ўрачыстасці, звязаныя з яго інтранізацыяй, а грошы,
якія яны жадалі выдаткаваць на гэта падарожжа, прызначыць на “учынкі міласэрнасці”
і дапамогу бедным. Аб гэтым паінфармаваў Апостальскі нунцый у Аргентыне, арцыбіскуп
Эміль Паўль Тшэрыг у спецыяльным паведамленні, скіраваным да епіскапату і вернікаў
краіны. У ім іерарх адзначыў, што папа Францішак прасіў яго асабіста, каб грошы, якія
планавалася прызначыць на нацыянальную пілігрымку ў Вечны Горад, былі аддадзены тым,
хто “апынуўся ў вялікай патрэбе”. Апостальскі нунцый паінфармаваў, што Папа падзякаваў
усім жыхарам Аргентыны за малітвы і праявы любові, якія ён адчуў і атрымаў пасля абрання
на Пасад св. Пятра.