Ինչո՞ւ Նորընտիր Քահանայապետը Կը Փոխէ Իր Անունը...

Նորընտիր քահանայապետը՝ Եորկէ Մարիա Պորկոլիօ, իր նախորդներուն նման, փոխեց իր անունը, առնելով ֆրանչիսքոս անունը. եւ այլեւս պիտի գործածէ այս անունը ֆրանչիսքոս.
Անուն փոխելը քահանայապետին, պարզապէս փոխելու համար չէ այլ՝ ունի իր նշանակութիւնը. անունն առնելով նոր քահանայապետը որպէս տիպար կ՝առնէ նաեւ անձը՝ ըլլայ ան սուրբ մը կամ երջանկայիշատակ քահանայապետ մը, ջանալով նմանիլ անոր ու ձեւով մը ընթանալ անոր ուղիէն։
ֆրանչեսկոս անունը կը կրեն չորս սուրբեր բոլորիս ծանօթ է Ասսիզացի Ս .
ֆրանչեսկոս հարուստ վաճառականի զաւակ որ ամէն ինչ կը թողու ու կը ծառայէ Աստուծոյ... հիմնադիրը ֆրանչիսքեան միաբանութեան տիպար էր եղբայրսիրութեան, մարդասիրութեան, նուիրումի ու խաղաղութեան...Ս ֆրանչլսկոս՝ Իտալիոյ պաշտպան սուրբն է...նաեւ անասուններու , թռչնազգիներու, ու վաճառականներուն։
Սալէսի Ս ֆրանչեսկոս եկեղեցւոյ վարդապետ ու լրագրողներու պաշտպան սուրբը, Ս ֆրանչեսկոս Սավէրիոն Յիսուսեան միաբանութենէն միսիոնարներու պաշտպան սուրբը եւ չորրորդ՝ Ս ֆրանչեսկոս Տի Բաուլա ճգնաւոր եւ հիմնադիրը Գալապրիոյ Ordine dei Minimi կարգին։
Նոր պապին անունը՝ ( այս անգամ Չորեքշաբթի 13 Մարտ 2013-ի՝ երեկոյեան) ֆրանչիսքոս քահանայապետին անունը, կը յայտարարէ Հռոմ քաղաքին ու աշխարհին կարտինալական դասէն՝ նախասարկաւագը, Ս. Պետրոս պազիլիքայի կեդրոնական պատշգամէն։ ՜՜Հապէմուս Բաբամ՝՝ այսինքն նոր քահանայապետ ունինք, հռչակումէն ետք ապա կու տայ անոր աւազանի անունը որմէ ետք ալ՝ անոր ընտրած նոր անունը...
Առաջին քահանայապետը եւս՝ Պետրոսը, նախապէս Սիմոն կը կոչուէր եւ առաւ Պետրոս անունը որ կը նշանակէ Վէմ... դուն ես վէմը -ըսաւ Յիսուս- որուն վրայ պիտի կառուցեմ իմ եկեղեցիս...
265 քահանայապետներէն 130-ը, Պետրոս առաքեալի՝ Ա. քահանայապետի նման, իրենց անունը փոխած են։
Անունը փոխելու սովորութիւնը սկիզբ առաւ 955 թուին, Յովհաննէս ԺԲ. պապին կողմէ եւ մինչեւ այսօր (այս սովորութիւնը) կը շարունակուի...միայն երկու ոչ իտալացի պապեր Ատրիանոս Զ. եւ Մարսէլ Բ. պահեցին իրենց աւազանի անունը...
Իսկ անունին կցուած կարգը, սկսաւ 1261-ին՝ Ուրբանիոս Դ. Պապին օրով։
Յայտնենք նաեւ թէ Քահանայապետին անունը փոխելու պատճառներէն մին ալ, ընտրուածներուն անուան ոչ քրիստոնէական նշանակութիւն ունենալն էր. օրինակ՝ Յովհաննէս Բ. քահանայապետը կը կոչուէր Մէրքիւր՝ որ չաստուածի անուն էր, ինք յարմար դատեց որ փոխուի իր անունը, եւ ընտրեց Յովհաննէս Բ.անունը. գալով Յովհաննէս ԺԴ պապին, անոր աւազանի անունը Պետրոս էր, ուզեց փոխել իր անունը, քանի որ անհամեստ գտած էր Պետրոսի աթոռի հիմնադրին՝ անունով բարձրանալ անոր գահին վրայ...
Ատկէ ետք բոլոր քահանայապետները յարգեցին այս օրէնքը...
1978-ին Ալպինօ Լուչանի, որուն անունը կը բաղկանայ երկու քահանայապետներու անուներէն, Յովհաննէս - Պօղոս, այս անունը ընտրեց առնելով իր երկու նախորդներուն անունը...նոյնը ըրաւ Գարոլ Վոյթիուան որ առաւ ՅՊԲ անունը...
Կարգ մը քահանայապետներուն անունը իրենց երրորդ անունն է։
Ասոնք կրօնաւորներն են որոնք իրենց աւազանի անունը կը փոխեն իրենց ուխտերը կատարած ատեն, ապա երկրորդ անգամ ալ կը փոխեն երբ ՜՜պետրոսեան պաշտօնը՝՝ ստանան...
Ամէնէն շատ անունները որոնք կրած են քահանայապետները հետեւեալներն են.
Յովհաննէս՝ 21 քահանայապետներ կրած են այդ անունը , ապա Գրիգոր 15 քահանայապետ, Բենեդիկտոս դարձեալ 15, Կղեմէս 14, Լեւոն 13, Իննոչենթէ 12 նաեւ Պիոս 12 քահանայապետ։ Նորընտիր քահանայապետը կրնար ընտրել այս անուններէն մին՝ Յովհաննէս 24- Գրիգոր 17, Կղեմէս 15, Պենետիկտոս 17, ՅՊԳ. կամ Պիոս 13-րդ սակայն ընտրեց ֆրանչեսկոս անունը։