Італьянская “Аvvenire”
піша пра асабістыя ўпадабанні і характар новаабранага Пантыфіка. У 22-гадовым узросце,
пакінуўшы працу хіміка, Хорхе Берголіа адчуў пакліканне і ўступіў у навіцыят Ордэна
езуітаў, нагадвае газета. Менавіта з маладосці ён захаваў любоў да футболу, а музыка
Бетховена натхняе яго па-ранейшаму. Інтэлектуал, філосаф і тэолаг, папа Францішак
– аматар кніг і кіно, захапляецца Борхесам і Дастаеўскім. Ён сам стаў героем кнігі-інтэрв’ю
“Езуіт”, якая ў 2010 г. увайшла ў лік бэстсэлераў. Менавіта ў ёй тагачасны арцыбіскуп
Буэнас-Айрэса падзяліўся сваімі думкумі наконт сучасных выклікаў для Касцёла. Паводле
яго, Касцёл сёння рызыкуе адчуць сябе самадастатковым, так як у выпадку людзей з паранояй
ці аўтызмам, здольных гаварыць толькі пра саміх сабе. Сваім служэннем ён заўсёды імкнуўся
запабегчы гэтаму.