Imzot Massafra: Papa Françesku bekim Hyjnor për Kishën e njerëzimin
Kryetari i Konferencës Ipeshkvnore Katolike të Shqipërisë e kryeipeshkvi i Shkodër-Pultit,
imzot Angelo Massafra së bashku me Kishën dioqezane falënderon Hyjin për zgjedhjen
e Papës Françeskun në udhëheqje të Kishës, në këtë kohë të veçantë ungjillëzimi. Edhe
për imzot Massafren zgjedhja e kardinalit Bergoglio në Selinë e Pjetrit si ipeshkëv
i Romës ka qenë befasi gëzimi e shprese për të mirën e Kishës e të njerëzimit. Papa
Françesku me stilin e jetës së tij, është shenjë e një Kishe që përtërihet e rrënjoset
në gurrën e vet: Krishtin e Ungjillin e Tij. Këtu në Shkodër jemi preku thellë nga
përvujtëria e thjeshtësia e Papës së ri. E Kisha katolike shqiptare, si në të kaluarën
me martirët tanë që përherë qenë besnikë ndaj Papës, edhe ne sot jemi besnik ndaj
Papës. Lidhja e Kishës katolike shqiptare me Papën e Romës është një vlerë e jashtëzakonshme
kishtare e shpirtërore. E prandaj Kisha shqiptare gëzohet për këtë Bari të ri, në
udhëheqjen e të cili do të kemi një Kishë të thjeshtë që kumton vlerat e patjetërsueshme
shpirtërore e ungjillore, për mirën e mbarë njerëzimit, ky është agimi që duket në
horizontin e sotëm. Po të dëgjojmë bisedën radiofonike të kryeipeshkvi imzot Angelo
Massafra në mikrofonin e Radio Vatikanit......