Rite e terma mbi Konklavin e zgjedhjen e Papës. Tymi i bardhë e dukja e Papës së ri
në Lozhën e Bazilikës së Shën Pjetrit
Ja shkurimisht ritet e termat që kanë të bëjnë me Konklavin dhe zgjdhjen e Papës së
ri. Po ndalemi “nga tymi i bardhë, tek dukja e Papës së ri në Lozhën e Bekimeve të
Bazilikës së Shën Pjetrit në Vatikan. Ja pakëz histori: Më 1958, për të zgjedhur Gjonin
XXIII, u deshën katër ditë. Më 1963, për të zgjedhur Palin VI, 6 votime, tri ditë. Më
1978, për të zgjedhur Gjon Palin II, u votua katër herë, gjatë tri ditëve. Tymi
i bardhë Piu XII: tymi i bardhë u duk në oxhak në orën 17.25 e Papa doli në
ballkon 42 minuta më pas, në orën 18.07. Gjoni XXIII: tymi i bardhë doli nga oxhaku
në orën 17.08. Papa u paraqit në ballkon 55 minuta më pas. Pali VI: tymi i bardhë,
në orën 11.27, dukja në ballkon, 45 minuta më vonë. Gjon Pali II: në orën 18.27
tymi; në orën 18.42 kardinali protodiakon Perikle Felici dha lajmin për zgjedhjen.
Papa u duk në ballkon në orën 19.20. Benedikti XVI: tymi i bardhë, në orën 17.52;
këmbanat nisën të binin në orën 18.05. Kardinali protodiakon, Jorge Medina Estevez
dha lajmin ‘Habemus Papam’ në orën 18.45. Papa u duk për të përshëndetur turmën, në
orën 18.48.
Kujtojmë se papnitë më të gjata janë: papnia e Shën
Pjetrit, prej vitit 33 deri në vitin 67: 31-32 vjet; pasuar nga papnia e Piut
IX, nga 16 qershori 1846 deri më 7 shkurt 1878: 31 vjet, 7 muaj e 22 ditë. Papnitë
më të shkurtëra Papnia e Urbanit VII, nga 15 shtatori deri më 27 shtator 1590:
13 ditë.
Në kohët moderne: Papnia e Gjon Palit I, 28 gusht-28 shtator 1978:
33 ditë.