Habemus Papam! Deo gratias! Papa i ri është kardinali Bergoglio
Me gëzim të madh e emocion ju njoftojmë se në ora 19.06 të datë 13 mars 2013 tymi
bardhë nga oxhaku mbi kulmin e Kapelës Sikstina kumtoi ngjarjen historike, zgjedhjen
e Papës së ri Françesku. Turma e besimtarëve shpërtheu në gëzim. Pra, kardinajtë
e Konklavit kanë zgjedhur Papën e ri, pasardhësin e Benediktit XVI, eshte Papa Françesku,
kard. Bergoglio. Menjëherë pas daljes së tymit të bardhë nga oxhaku mbi kulmin e Kapelës
Sisktina që lartot drejt qiellit për t’i kumtuar Kishës e botës mbarë zgjedhjen e
Papës së ri, kambanat e shën Pjetrit ranë solemnisht në shenjë falënderimi ndaj Hyjit
që i dhuroi sot Kishës së Tij Bariun e ri. Kardinajtë vërtet shumë shpjet, vetëm
pas pesë votimeve, kanë zgjedhur pasardhësin e 265-të të Shën Pjetrit. E turma e stërmadhe
e besimtarëve e shtegtarëve që gjendeshin në Sheshin e Shën Pjetrit në Vatikan e nëpër
rrugët e afërta prej disa orëve, shpërtheu në hare e plot brohoritje duke thënë ‘Rrënoftë
Papa’, e tani të gjithë me padurim presin kumtimin e Protodiakoni që do të njoftojë
zgjedhjen e Papës së ri dhe emrin e tij e pastaj pritet dalja në ballkonin e bazilikës
së Shën Pjetrit, nga ku Papa i 266-të i Kishës Katolike, do të drejtojë fjalën e parë
e do të japë bekimin e parë Apostolik.