Սուրիական Ռաքքա Քաղաքի Հայութիւնը Հեռացած ՝ Հալէպ, Լաթթաքիա եւ Քամըշլը։
Թուրքիոյ սահմանակից Ռաքքա քաղաքին մէջ, ուր շուրջ շաբաթ մը առաջ հսկողութիւն
հաստատած են ընդդիմադիրները, բախումները չեն դադրիր ու կը շարունակուին նաեւ օդային
ռմբակոծութիւնները : Հալէպի Ազգային Առաջնորդարանի մամլոյ քարտուղար Ժիրայր
Ռեյիսեան տեղեկացուցած է որ Ռաքքա գտնուող հայերու մեծամասնութիւնը հեռացած
է հոնկէ,երթալով դէպի Լաթթաքիա, Քամըշլը եւ Հալէպ: Այդ քաղաքներու Շտապօգնութեան Մարմինները
հնարաւոր ամէն ինչի կը ձեռնարկեն տեղահան եղած հայերուն օգնելու համար: Ռեյիսեանը
նաեւ տեղեկացուած է որ մինչեւ այժմ Ռաքքայի մէջ սպաննուած կամ վիրաւորուած հայու
մասին լուր չէ հասած :
Այն ինչ կը վերաբերի Հալէպ տիրող իրավիճակին, Ազգային
Առաջնորդարանի մամլոյ քարտուղարը նշած է որ այժմ կացութիւնը համեմատաբար հանդարտ է,
բայց անշուշտ թէ բնակչութեան մօտ կը տիրէ անապահովութեան եւ զարհուրանքի զգացումներ։