Այնճառի Կարդինալ Աղաճանեանի Տան Անդամներու Այցը Զմմառու Դարաւոր Վանքը։
Այնճառի Կարդինալ Աղաճանեանի Տան 35 անդամներ, գլխաւորութեամբ կեդրոնին տնօրէն՝ Տէր Ալիշան
Աբարթեանի և իր աշխատակազմին, Ուրբաթ 8 Մարտին, այցելեցին Զմմառու դարաւոր վանքը, կառուցուած՝
1749-ին: Անոնք մօտէն ծանօթացան վանքին հնամենի պատմութեան եւ յատկապէս հրաշագործ
Տիրամօր հրաշքներուն, այցելեցին զանազան բաժինները, յատկապէս նոր եւ հին թանգարանը, մատենադարանը,
գինեմառանը իր նորոգուած բաժիններով: Ապա նաեւ Զմմառու Պատրիարքական Կղերի Միաբանութեան
Նորընծայարանի շէնքը, որ այս տարի կը յիշատակէ իր կառուցման 50-ամեակը (1963): Այս այցելութեան
նպատակներէն մին էր, արթնցնել տարբեր տարիքի այս տղոց մէջ քահանայական կեանքի սէրը: