Для забеспячэння таямніцы
выбараў у Сікстынскай капэле, дзе будзе праходзіць канклаў, і Доме св. Марты, месцы
пражывання кардыналаў-выбаршчыкаў, будуць прадпрыняты меры асаблівага кантролю. Для
гэтага будуць ужывацца металадэтэктары і спецыяльная сістэма, прыпыняючая любыя віды
электроннай камунікацыі. У той час, як у Сінадальнай зале, дзе праходзяць агульныя
кангрэгацыі, кардыналы карыстаюцца электроннымі пультамі для галасавання, у Сікстынскай
капэле ў іх распараджэнні застануцца толькі папера і асадкі. Пурпураты, як прадугледжвае
Апостальская канстытуцыя “Universi Domini Gregis”, застануцца ізаляванымі ад свету
на ўвесь час выбараў Пантыфіка. У другі раз удзельнікаў канклава будзе прымаць Дом
св.Марты – пяціпавярховы палац, пабудаваны па загадзе Яна Паўла ІІ на тэрыторыі Ватыкану.
Размеркаванне пакояў у ім паміж кардыналамі адбываецца паводле жэраб’ёўкі. Тут знаходзяцца
таксама апартаменты, у якіх будзе жыць перад перасяленнем у Апостальскі палац новы
Папа.