Перад тым, як кардыналы
пачнуць абіраць новага Папу, яны павінны будуць прысягнуць два разы – на пачатку супольна,
а затым асабіста. Паводле Апостальскай канстытуцыі “Universi Dominici Gregis”, пасля
таго, як пурпутары ўвайдуць у Сікстынскую капэлу, яшчэ ў прысутнасці тых, хто іх суправаджае
ў працэсіі, яны павінны будуць прамовіць спецыяльную прысягу, у якой паабяцаюць, што
ў выпадку абрання Рымскім Пантыфікам, будуць імкнуцца верна выконваць абавязкі Пастыра
Паўсюднага Касцёла, рашуча абараняць духоўныя і часовыя правы, а таксама свабоду Апостальскай
Сталіцы. Затым яны прысягаюць, захоўваць ўсе таямніцы звязаныя з абраннем новага Папы
і тым, што адбываецца ў месцы правядзення канклава, за выключэннем тых выпадкаў, калі
на гэта дасць дазвол сам Пантыфік. Нарэшце, кардыналы абяцаюць ніколі не аказваць
падтрымкі умяшальніцтву, з боку свецкіх уладаў, груп людзей ці асобных індывідуўмаў
з мэтай паўплываць на абранне Папы.
Пасля гэтай супольнай прысягі, кожны пурпурат,
пачынаючы ад дэкана Калегіі Кардыналаў, ці старэйшага па ўзросце, падыходзіць да кафедры
з Евангеллем, прамаўляе сваё імя і прозвішча і кажа “абяцаю, абязуюся і прысягаю”.
Затым паклаўшы на яго руку, прамаўляе: “Няхай Бог мне дапаможа, а таксама гэтыя святыя
Евангеллі да якіх дакранаюся”.