Больш за 5 тыс. працаўнікоў
сродкаў масавай інфармацыі акрэдытаваліся ўжо для асвятлення мерапрыемставаў, звязаных
з абраннем новага Пантыфіка. Яны прыбылі з 65 краін свету. Менавіта для іх, па ініцыятыве
Залы Друку Апостальскай Сталіцы, быў створаны спецыяльны медыя-цэнтр, які размясціўся
ў холе перад Залай Паўла VI, дзе звычайна праходзяць сустрэчы Святога Айца з вернікамі.
У медыя-цэнтры было заінсталявана больш за 20 кабін, поўнасцю абсталяваных аўдыё-
і відэатэхнікай, тэлефонамі і інтэрнэтам. Апрача таго, было створана каля 100 іншых
працоўных месц для журналістаў, дзе яны могуць карыстацца сваімі асабістымі кампутарамі
для выхаду ў сетку.
Для радыёжурналістаў даступныя 10 кабін, 6 студый і 28
месцаў на адкрытым паветры, адкуль яны могуць у прамым эфіры каментаваць падзеі з
Апостальскай Сталіцы. Спецыяльная зона вызначана таксама для тэлежурналістаў. У медыя-цэнтры
размешчаны спецыяльныя экраны, на якіх можна сачыць за брыфінгамі, якія праходзяць
у Зале Друку Апостальскай Сталіцы. Медыя-цэнтр вядзе шчыльнае супрацоўніцтва з Ватыканскім
радыё і Ватыканскім тэлевізійным цэнтрам.