Кардыналы маліліся за Касцёл каля кафедры св. Пятра
Кульмінацыяй сустрэчы
Калегіі Кардыналаў 6 сакавіка стала малітва пурпуратаў за Касцёл, якая адбылася ў
ватыканскай базыліцы св. Пятра. Малітва пачалася ў 17.00 і працягвалася каля гадзіны.
Удзельнікі агульнай кангрэгацыі сабраліся каля кафедры св. Пятра – драўлянага трону,
які паводле сярэдневечнай традыцыі лічыцца біскупскім крэслам Князя Апосталаў. Напачатку
іерархі памаліліся ружанцоўвай малітвай, а затым у цішыні паразважалі перад Найсвяцейшым
Сакрамэнтам. Пасля адарацыі, пурпураты памаліліся малітвай нешпараў, якую ўзначаліў
кардынал Анджэла Камастры, архіпрэзбітэр базыліцы св. Пятра.