Сярод кардыналаў-выбаршчыкаў 17 з’яўляюцца законнікамі
Cярод 115 кардыналаў,
якія прымуць удзел у будучым канклаве 17 з’яўляюцца членамі манаскіх ордэнаў. Сярод
іх ёсць францішкане, дамінікане і салезіяне. Акрамя таго, сярод кардыналаў-выбаршчыкаў
ёсць прадстаўнікі езуітаў, рэдэмптарыстаў, аблатаў і іншых супольнасцяў. Усяго, за
ўсю гісторыю Касцёла на пасад св. Пятра абіраліся 33 законнікі. Большасць з іх складалі
бэнэдыктыне. Яны станавіліся Папамі 17 разоў. 6 Пантыфікаў былі аўгустыніянамі, 4
– францішканамі.
Нямецкае інфармацыйнае агенцтва “KNA” адзначае, што апошнім
законнікам абраным на пасаду Біскупа Рыма быў Грыгорый XVI. Ён прыналежаў да ордэна
камедулаў, а яго пантыфікат працягваўся з 1831 г. па 1846 г. Самая вялікая колькасць
законнікаў станавілася Папамі ў перыяд паміж ХІ-ХІІ ст. – у час росквіту манаства
ў Еўропе.