Takimi lutjeje në Vatikan, me rastin e Kongregacioneve të përgjithshme të Kolegjit
Kardinalor.
Me nismën e kardinajve, sot, në orën 17.00 në Elterin e Katedrës të Bazilikës së Vatikanit,
u mbajt një takim lutjeje për Kishën, me rastin e Kongregacioneve të përgjithshme
të Kolegjit Kardinalor. Kremtimi nisi me Rruzaren Shenjte dhe Misteret e Lumnisë,
në gjuhën latine e italiane. Më pas Fretërit e sakrestisë ekspozuan Sakramentin. Të
pranishmit u gjunjëzuan për disa çaste në adhurim. Më pas vijuan Lutjet mbrëmësore,
kryesuar nga kardinali Anxhelo Komastri. Takimi përfundoi me Bekimin eukaristik, dhënë
gjithnjë nga kardinali Komastri, Kryeprift i Bazilikës së Vatikanit. Kremtimi
zgjati rreth një orë.