Պապընտիր Ժողովի Կարտինալական Դասի Նախապատրաստական Ընդհանուր Նիստերը 4 Մարտին։

Անցեալ 11 փետրուարին ներկայացուցած հրաժարականով, Պենետիկտոս ԺԶ Սրբազան Հօր քահանայապետութեան շրջանը վերջ գտաւ 28 փետրուարի երեկոյեան ժամը 8ին։ Ան Եկեղեցին կառավարեց 7 տարի 10 ամիս եւ 9 օր։
Հինգշաբթի 28 փետրուարի յետ միջօրէի ժամը 17.00 ին, Պենետիկտոս ԺԶը ուղղաթիռով փոխադրուեցաւ Գասդէլկանտոլֆոյի ամարանոց ուր պիտի մնայ մինչեւ ապրիլի վերջ։

Վաստակաւոր Քահանայապետ` Պենետիկտոս ԺԶ-ի հրաժարականի հետեւանքով` 28 փետրուարի ժամը 8էն սկիզբ առաւ «թափուր աթոռ»-ի ժամանակաշրջանը։
Կարդինալական դասի աւագերէցը Կարտինալ Անճէլօ Սոտանոն, ըստ «UniversiDominici gregis» առաքելական սահմանադրութեան, համայն աշխարհի ընտրող Կարդինալները հրաւիրեց` ժամանելու Հռոմ ''Գոնգլավի'' համար - այսինքն Պապընտիր ժողովի-։
Արդարեւ` յառաջիկայ երկուշաբթի 4 մարտի առաւօտեան ժամը 9,30-ին, Պօղոս Զ անուան` Սինհոդոսական սրահին մէջ, սկիզբ կ՛առնեն Գոնքլավը կանխող կարտինալներու խորհրդակցական ''Ընդհանուր'' ժողովները երկու նիստերով` առաջինը առաւօտեան եւ երկրորդը յետ միջօրէին։ Սոյն խորհրդակացական ժողովներուն կը մասնակցին նաեւ 80 տարեկանը անց ''ոչ ընտրող'' կարտինալները։

Յայտնենք որ յառաջիկայ ''գոնքլավը'' պիտի հանդիսանայ պատմութեան 75րդը գոնքլավը որուն ընթացքին պիտի ընտրուի Սուրբ Պետրոսի 265րդ յաջորդը որ է Տիեզերական Եկեղեցւոյ 266րդ Քահանայապետը։

''Գոնքլավին'' իրաւունք ունին մասնակցնելու եւ քուէարկելու 80 տրեկանը չ՛ամբողջացուցած Կարդինալները։

Յառաջիկայ օրերուն գումարուելիք ''Գոնքլավին'' իրաւունք ունին մասնակցնելու 117 կարտինալներ (որոնցմէ երկուքը անհատական պատճառներու բերումով պիտի չի կարենան մասնակցիլ)։
117 կարտինալներէն 61-ը եւրոպացի են, 19-ն լատին ամերիկացի, 14-ը հիւսիսային ամերիկայէն, 11 ափրիկեցի, 11 ասիական ցամաքամասէն եւ մէկը ովկեանեան ցամաքամասէն։

Նշենք որ կարտինալներու դասին մաս կը կազմեն նաեւ արեւելեան եկեղեցիներէ, Մարոնիներու Պատրիարք` Կարտինալ Պէշարա Պուդրոս Րաին, Ասորի մալանպարներու Աւագ արքեպիսկոպոս` Կարտինալ Ժորժ Ալէնչէրրի, Ասորի Մանալնքարներու Աւագ արքեպիսկոպոս` Կարտինալ Պազիլիոս Գլիմ Թոթթունքալ եւ Կաթողիկէ Ղպտիներու երբեմնի Պատրիարք` Կարտինալ Անթոնիոս Նակիպը։

Կարտիալնաերու Ընդհանուր ժողովները կը նախագահէ Կարտինալական դասի գահերէցը Կարտինալ Անճէլօ Սոտանոն մինչ Գոնքլավի, ընտրական ժողոներուպարագային, նախագահութիւնը կ՛անցնի ընտրող ամենատարեց կարտինալին` այս պարագային Իտալացի Կարտինալ` Ճովաննի Պադդիսա Րէ։