ԹԱՓՈՒՐ ԱԹՈՌ

«Թափուր աթոռ» արտայայտութիւնը կը մատնանշէ այն ժամանակահատուածը որ կ'իյնայ Եկեղեցւոյ ղեկավարութիւնը Քահանայապետի մը կողմէ դադարելէ եւ անոր յաջորդի ընտրութեան միջեւ։ Այդ ժամանակահատուածը կանոնակարգուած է «Universi Dominici Gregis» Առաքելական Սահմանադրութեամբ, վաւերացուած՝ Յովհաննէս Պօղոս Բ.ի կողմէ 22 Փետրուար 1996ին։
Այդ կանոններու ոյժով, «Առաքելական Աթոռի թափուրութեան ընթացքին», Եկեղեցւոյ ղեկավարութիւնը վստահուած է Կարտինալական Ժողովին, բայց միմիայն սովորական եւ անյետաձգելի գործերի կատարման համար, ինչպէս նաեւ նախապատրաստելու համար ամէն բան՝ որ անհրաժեշտ է նոր Քահանայապետի ընտրութեան համար; Կարտինալական Ժողովին կը պատկանի նաեւ Գերագոյն Քահանայապետի քաղաքական իշխանութիւնը, որ կը վերաբերի Վատիկանի Քաղաքի Կաղավարութեանը։ Կարտինալական Ժողովի իրաւասութենէն բացառուած են բոլոր հարցերը՝ որոնք կենդանութեան օրով կը պատկանին Գերագոյն Քահանայապետի իշխանութեան։