SHBA-së, urimet e Kerryt Papës Benediktit XVI në ditën e tërheqjes së tij
“Shtetet e Bashkuara dërgojnë urimet e tyre më të përzemërta Shenjtërisë së tij, Papës
Benediktit XVI, që sot e le Vatikanit pas shumë vitesh në shërbim e impenjim përkushtuar
Zotit, Kishës Katolike e paqes në botë”. Kështu shprehet John Kerry, në letër të Departamentit
të Shtetit të SHBA-së dërguar Selisë së Shenjtë me rastin e përfundimit të Papnisë
së Atit të Shenjtë Jozef Ratcinger. Në pragun e konklavit të ardhshëm, kreu i diplomacisë
amerikane ripohon se do të çojë përpara “marrëdhëniet tona të rëndësishme me Vatikanin
dhe do të vazhdojë të punojë me Papën e ri për të mbështetur dialogun e promovuar
të drejtat themelore dhe dinjitetin e njeriut në botë”. “Sot – përfundon Kerry – Papa
Benedikti XVI është në lutje të mia. Do të vazhdojë të lutem për të e i uroj çdo të
mirë”, shtoi Kerry i cili që dje gjendet në Romë.