Французскі філосаф: Папа не сакральная асоба, а выканаўца функцыі
Папа – гэта не сакральная
асоба, але выканаўца пэўнай функцыі. Такое меркаванне выказаў французскі філосаф,
прафесар, былы выкладчык сярэдневечнай і арабскай філасофіі ў Парыжскай Сарбоны і
пераможца “Прэміі Ёзэфа Ратцынгера” ў 2012 г. Рэмі Браге. Яго словы прыводзіць 27
лютага “L’Osservatore Romano”. Навуковец, падводзячы вынікі Пантыфіката Бэнэдыкта
XVI адзначыў, што Святы Айцец меў вялікую мужнасць, калі пачаў барацьбу з сексуальнымі
злоўжываннямі ў Касцёле. Паводле прафесара Браге было б добра калі б прыклад Папы
наследавалі многія “свецкія інстытуты, такія як школы, спартыўныя клубы, спецыялізаваныя
дамы для людзей з абмежаванымі магчымасцямі ці сіротаў”.
Каментуючы рашэнне
Бэнэдыкта XVI пакінуць пасад св. Пятра філосаф, адзначыў, што яго, як і ўсіх іншых
яно здзівіла, але ён не лічыць што для гэтага павінны існаваць незвычайныя прычыны.
Паводле Рэмі Браге, у такой сітуацыі дастаткова адчуваць, што “больш не ў стане выконваць
сваю місію”.
Філосаф адзначыў таксмаа, што няма сэнсу “арганізоўваць спаборніцтвы
па святасці” паміж Бэнэдыктам XVI і Янам Паўлам ІІ, нібыта існуе “толькі адна форма
адвагі”. Паводле прафесара Браге адвага можа заключацца, з аднаго боку ў жаданні “застацца
аж да канца, у слабасці і пакутах, на знак Укрыжаванага, вікарыем якога з’яўляецца
Папа”, а з іншага ў тым, каб адмовіцца ад усяго, пасля знаходжання ў цэнтры ўвагі.