Бэнэдыкт XVI прызначыў пасланніка на ўрачыстасці ў Каўнасе
27 лютага Бэнэдыкт
ХVI прызначыў арцыбіскупа Кракаўскага кардынала Станіслава Дзівіша, сваім спецыяльным
пасланнікам на ўрачыстасці, якія пройдуць у літоўскім Каўнасе з нагоды 600-годдзя
заснавання катэдральнага касцёла пад тытулам св. Пятра і св. Паўла. Яны пачнуцца 5
мая 2013 г. Першая ўзгадка аб гэтай святыні адносіцца да 1413 г., але вядома што яна
была пабудавана раней. Каўнаскі катэдральны касцёл з’яўляецца самай вялікай святыняй
у Літве пабудаванай у гатыцкім стылі. Яго вышыня – 84 м, а шырыня 34 м. Выявы ўнутры
касцёла выканаў знакаміты мастак Міхал Эльвіра Андрыёлі. У ім пахаваны некаторыя вядомыя
літоўскія рэлігійныя і навуковыя дзеячы – кардынал Вінцэнтас Сладкявічус, гісторык
Сіманас Даўкантас, а таксама славуты паэт, драматург і святар Ёнас Мачуліс, больш
вядомы як Мароніс.