Каб развітацца са
Святым Айцом на агульную аўдыенцыю 27 лютага прыбылі каля 150 тыс чалавек. Яшчэ задоўга
да пачатку мерапрыемства яны запоўнілі не толькі плошчу св. Пятра, але таксама і бліжэйшыя
вуліцы. Пілігрымы ўяўлялі сабой сапраўдную вялікую сям’ю, аб’яднаную ў Хрысце, аб
якой казаў Пантыфік характарызуючы прыроду Касцёла. Да іх Папа звярнуўся з кароткім
прывітаннем на 11 мовах. “Дзякую вам за вашу цяплыню і любоў. Дзякую! Дарагія сябры,
дзякую за ўсе гэтыя восем гадоў побач з вамі! Таксама дзякую за тое, што вас прыйшло
так шмат на гэту сустрэчу, і за цяплыню і радасць вашай веры”, - сказаў Папа. Пасля
заканчэння аўдыенцыі Святы Айцец прывітаў вернікаў праехаўшы на папамабілі вакол плошчы
св. Пятра. У 12.30 ён скіраваў кароткае пасланне ў “Твітэры”, у якім выразіў сваё
пажаданне, “каб кожны адчуваў радасць ад таго, што з’яўляецца хрысціянінам і любімы
Богам, Які аддаў свайго Сына за нас”.