Յառջաիկայ 27 փետրուարի չորեքշաբթի օրուայ հրապարակային ունկնդրութիւնը պիտի հանդիսանայ
Պենետիկտոս ԺԶ Սրբազան Քահանայապետի քահանայապետութեան շրջանի վերջինը, մինչ առաջինը
կատարուած էր 27 ապրիլ 2005-ին։ Գրեթէ ութը տարի տեւող քահանայապետութեան ընթացքին
Պենետիկտոս ԺԶ-ը նախագահած է 348 հրապարակային ունկնդրութիւններ որոնց մասնակցած են,
մինչեւ 2012 դեկտեմբերը, 4.982,600 հաւատացեալ։ 2013-ի տուեալները տակաւին չեն հրատարակուած։
Ամենաբազմաթիւ ներկայութիւնը արձանագրուած է 2006-ին, 45 ունկնդրութիւններու ընթացքին`
1.031,500 հաւատացեալներու մասնակցութեամբ։ Երկրորդ շարքին է 2005 տարին, 810 հաւատացեալներու
ներկայութեամբ, 35 հրապարակային ունկնդրութիւններով։ Իսկ վերջին տեղը կը գրաւէ 2011-ը
45 ունկնդրութիւններով եւ 400 հազար հաւատացեալներու ներկայութեամբ։ 2012-ին տեղի ունեցան
43 հրապարակային ունկնդրութիւններ 447 հազար հաւատացելներու ներկայութեամբ։ Իսկ յառաջիկայ
27 փետրուարին, չորեքշաբթի օրուայ հրապարակային ունկնդրութեան արձանագրուող մասնակիցներու
թիւը մինչեւ օրս 40 հազարի կը հասնի։