Ֆրանսա ծնունդ առած և ապա աշխարհով մէկ տարածուած և միջազգային դարձած «Երանութիւններ»
անուան միութիւնը կամ (groupe ՜՜Les Béatitudes՝՝-ը) կիրակի 24 Փետրուարին, Զմմառու
Վանք այցելեց։ Այս միութիւնը հիմնուած է 1972-ին, ֆրանսա, երկու ֆրանսացի աշխարհական
զոյգերու կողմէն և արդէն 5 աշխարահամասերու 30 երկիրներու մէջ գոյութիւն ունի. ինչպէս
նաեւ գողտրիկ Լիբանանի մէջ, ուր հաստատուած են 1982-էն ի վեր: Անոնց նպատակն է Աւետարանի
երանութիւնները լիուլի գործադրել իրենց կեանքին մէջ: Կիրակի օրը, առաւօտեան՝ խումբը
Զմմառու վանքին մէջ, ներկայ գտնուեցաւ Ս. Պատարագին, զոր մատոյց ու նաեւ քարոզեց Գերյ.
Հ. Եղիա Ծ. Վ. Եղիայեան: Խումբին 10 հոգինոց անդամներուն կ՝ընկերանային ֆրանսացի և տեղացի
վարդապետներ և Աւստրիացի կրօնաւորուհի մը, որոնք հիացումով և երկիւղածօրէն մասնակցեցան
հայածէս Ս. Պատարագին: Որմէ ետք վանքի փոքր դահլիճին մէջ, հիւրասիրութիւն տեղի ունեցաւ
որուն ընթացքին, հիւրերը ներկաներուն ծանօթացուցին «Երանութիւններ» միութեան գործունէութիւնը
Լիբանանի մէջ, իսկ կէսօրին՝ անոնք վանքի մէջ, ճաշին հիւրը եղան: Ճաշկերոյթի պահուն անոնք
տոհմիկ երգեր երգեցին և հուսկ այցելեցին վանքի թանգարաններն ու գինեմառանը: