Папа прыняў членаў Камісіі па раследванні ўцечкі дакументаў Святога Пасаду
25 лютага Бэнэдыкт
XVI прыняў на аўдыенцыі трох кардыналаў, членаў спецыяльнай камісіі створанай для
раследвання ўцечкі канфідэнцыйных дакументаў Апостальскай Сталіцы. У сустрэчы з Папам
прынялі ўдзел кардынал Хуліян Эранц, кардынал Юзэф Томка і кардынал Сальваторэ Дэ
Джорджы. На заканчэнне свайго пантыфіката Святы Айцец падзякаваў іерархам за зробленую
працу і выразіў сваё задавальненне вынікамі раследвання. Паводле спецыяльнага паведамлення
Залы Друку Святога Пасаду, яны дазволілі выявіць, “акрамя чалавечых абмежаванняў і
недасканаласцяў, таксама шчырасць, сумленнасць і самаадданасць тых, хто працуе ў Апостальскай
Сталіцы і служыць місіі даверанай Хрыстом Рымскаму Пантыфіку”. Бэнэдыкт XVI прыняў
рашэнне, што матэрыялы раследвання, аб якіх вядома толькі яму, застануцца ў распараджэнні
выключна новага Пантыфіка.