Benedikti XVI priti në audiencë kardinajt e Komisionit hetimor lidhur me shpërndarjen
e lajmeve sekrete
Papa priti sot paradite në audiencë në Vatikan kardinajt Juliàn Herranz, Jozef Tomko
e Salvatore De Giorgi, anëtarë të Komisionit Kardinalor për hetimet lidhur me daljen
e lajmeve e të dokumenteve sekrete nga Vatikani, së bashku me sekretarin e komisionit,
rregulltarin kapuçin, atë Luigji Martignani. Në përfundim të detyrës – njofton
një deklaratë e Sallës së Shtypit të Vatikanit – Benedikti XVI “ka dashur t’i falënderon
kardinajt për punën e frytshme që kanë zhvilluar, duke shpreh kënaqësinë për rezultatet
e hetimeve. Kjo punë, ka bërë të mundur të dal në pah, krahas kufizimeve dhe të metave
personale njerëzore të çdo institucioni, bujarinë, ndershmërinë dhe përkushtimin e
atyre që punojnë në Selinë e Shenjtë në shërbim të misionit që Krishti ia ka besuar
Papës së Romës”. “Ati i Shenjtë – përfundon deklarata e Sallës së Shtypit të Vatikanit
– ka vendos që aktet e hetimeve, përmbajtjen e së cilave ” e di vetëm ai”, të “jenë
në dispozicion vetëm të Papës së ri”.