Հայաստանի, Արցախի Եւ Սփիւռքի Լեզուաբաններու Մասնակցութեամբ՝ Մայրենիի Նուիրուած Գիտաժողով
ԵՐԵՒԱՆ, «Արմէնփրէս».– Հայաստանի, Արցախի եւ Սփիւռքի անուանի լեզուաբաններն ու գրականագէտները
Երեւանի մէջ կը քննարկեն լեզուաքաղաքականութեան արդի խնդիրները՝ համանուն խորագիրով գիտաժողովի
ծիրին մէջ: Հայաստանի Սփիւռքի նախարարութեան եւ Գիտութիւններու ազգային ակադեմիայի Հրաչեայ
Աճառեանի անուան Լեզուի հիմնարկին հետ համադրաբար կազմակերպուած գիտաժողովը ընթացք առաւ
21 Փետրուարին՝ «Մայրենիի օրը»: Գիտութիւններու ազգային ակադեմիայի նախագահ Ռադիկ Մարտիրոսեան
յայտարարելով գիտաժողովի սկիզբը՝ խորհրդանշական նկատեց «Մայրենիի օրը» անոր կայացումը:
«Մայրենի լեզուի թեման շատ լայն է, որովհետեւ հիմնախնդիրները վերջին երկու-երեք տասնամեակների
ընթացքում այնքան են կուտակուել, որ մէկ գիտաժաղովի շրջանակում չեն կարող քննարկուել»,
յայտնած է Մարտիրոսեան: Անոր համաձայն, լեզուաքաղաքակութեան ձեռքբերումներէն մէկը այն
է, որ յաղթահարուած են արեւմտահայերէնի եւ արեւելահայերէնի առնչութիւններու վերաբերեալ
խնդիրները:Սփիւռքի նախարար Հրանոյշ Յակոբեան այս առիթով արտասանած իր խօսքին մէջ նշած է, թէ պետութեան հիմքը ընտանիքն է, հաւատքը, մշակոյթը եւ լեզուն: «Լեզուն մեր պետութիւնն է, մեր հայրենիքը, մեր բանակը, հայի խորհուրդը եւ տունն է աշխարհի չորս ծագերում: Հազարամեակների ճանապարհ անցնելով հայոց լեզուն անցել է նաեւ բազմաթիւ փորձութիւններու բաժան-բաժան է եղել: Արեւելահայերէն հատուածն ունեցաւ իր պետութիւնը իր զարգացումը, իր մեթոդաբանութիւնը, դասական ուղղագրութիւնը, իսկ միւս ճիւղը մնաց անտուն եւ անհայրենիք՝ անհատների եւ բարերարների հովանու ներքոյ սկսեց զարգանալ եւ փոխանցուեց 21 դար», նշած է Յակոբեան:
| All the contents on this site are copyrighted ©. |