У чаканні канкрэтнай
даты пачатку выбараў новага Папы, у месцы іх правядзення – Сікстынскай капэле – ідзе
падрыхтоўка да канклаву. Як расказаў інжынер Паола Сагрэці – папскі фларыст, адказны
за лагістыку пантыфікальных мерапрыемстваў, працы ў ёй вядуць 40 чалавек. Ён запэўніў,
што ніякая дэталь не застанецца па-за ўвагай. Афармленне будзе падобным на тое, якое
было на папярэднім канклаве, у 2005 г.
Паводле інжынера, у капэле будзе ўсталявана
117 крэслаў, перад імі – 12 сталоў натуральнага дрэва, пакрытых бежавым і бардовым
палатном. Перад алтаром будзе стаяць драўляная скрыня, у якую падчас галасавання кардыналы
будуць апускаць карткі з імёнамі кандыдатаў, непадалёк размесціцца стол з разгорнутым
Евангеллем. Сагрэці прызнаўся таксама, што ўжо падрыхтаваны дзве спалучаныя печкі
для палення картак з імёнамі. Менавіта іх дым, а дакладней яго колер, будзе абвяшчаць
аб выніках галасавання кардыналаў.