Аўстралійскі кардынал бачыць будучым Папам іерарха з доўгатэрміновай візіяй
Кардынал Джордж Пэл,
арцыбіскуп Сіднэю, прызнаўся, што на канклаве ён будзе галасаваць за кандыдата з доўгатэрміновым
бачаннем, кіраўнічымі навыкамі і станоўчым кантактам са сродкамі масавай інфармацыі.
Іерарх ужо вылецеў у Ватыкан, каб далучыцца да кардыналаў з усяго свету, якія абяруць
новага Пантыфіка. “Мы хочам кагосьці з візіяй, здольнага ствараць планы на будучыню,
таго, хто можа ўзяць на сябе адказнасць размовы са СМІ і дыялогу са светам, асабліва
тымі, хто верыць напалову ці не верыць наогул”, - сказаў кардынал аўстралійскім медыя.
Кардынал Пэл сказаў, што ён таксама шукае кагосьці з “кіраўнічымі” навыкамі на пасаду
Пантыфіка. “Гэта, несумненна, не самая важная з задач, але, напэўна, адна з іх”, -
прызнаўся ён.