Data 28 shkurt në Kishat e Shqipërisë ditë lutjeje për Benediktin XVI
Në një letër të Sekretarit të Përgjithshëm të Konferencës Ipeshkvnore Katolike të
Shqipërisë, imzot George Frendos, njoftohet të gjithë ipeshkvijtë e dioqezave katolike
të Shqipërisë, me nismën e këtij organizmi kishtar, që ditën e tërheqjes së Benediktit
XVI nga papnia, pra drejtimi i Kishës, në të gjitha dioqezat e Kishat katolike të
Shqipërisë, të mbahet një ditë e veçantë lutjeje e falënderimi ndaj Papës Benediktit
XVI. Prot. n. 05/2013 Tiranë, 19/02/2013Të dashur vëllezër në Episkopat, Të
gjithë e dimë se si mbarë bota u habit me lajmin se Papa Benedikti XVI kishte vendosur
se, më 28 shkurt, të tërhiqet nga misioni i tij si Ipeshkëv i Romës dhe Pasardhësi
i Shën Pjetrit, një vendim që tregoi një guxim, përgjegjësi dhe përvujtëri të mëdha
nga ana e tij. Po ju shkruaj në emrin e Mons. Angelo Massafrës, Presidenti i Konferencës
Ipeshkvnore, për t’ju nxitur që atë ditë të 28 shkurtit ta shpallni një ditë lutjeje
për Papë Benediktin si edhe për pasardhësin e ardhshëm të tij. Edhe në Meshë (që do
të jetë Mesha e ditës, sipas kalendarit liturgjik), të shprehim këtë qëllim në ritet
fillestare dhe në lutjet e besimtarëve. Bashkëngjitur keni edhe Deklaratën
që i është dërguar agjencisë SIR dhe letrën që Mons. Massafra i ka dërguar Papës Benediktit
XVI. Duke ju uruar kreshmët e mbara, ju përshëndes vëllazërisht.Mons George Frendo
O.P. Sekretari i Përgjithshëm KISh