Պենետիկտոս ԺԶ Քահանայապետը Նախքան Հեռանալը Վատիկանէն, Փետրուար 28-ին Կարդինալական Դասին Հետ Կը Հանդիպի ։

Քահանայապետի ընտրութեան ժամանակ ան քահանայապետական ամարանոցը պիտի քաշուի։

Յառջիկայ 28 փետրուարի առաւօտուն Պենետիկտոս ԺԶ Քահանայապետը իր վերջին հանդիպումը կը վերապահէ կարդինալական դասին։
Ասիկա առիթ մը պիտի հանդիսանայ կարդինալներուն` ողջունելու Սրբազան Հայրը որ իր կարգին շնորհակալութիւն պիտի յայտնէ իր անմիջական գործակիցներուն եւ խորհրդակիցներուն։
Ապա երեկոյեան ժամը 5-ին Պենետիկտոս ԺԶ ինքնաթիռով պիտի ուղղուի Գասթել Կոնտոլֆօ` քահանայապետական ամարանոցը, ուր հոն պիտի մնայ մինչեւ նոր Քահանապետին ընտրութիւնը։