Կարդինալական Պաընտիր Ժողովներու Մասին Մամլոյ Սուլիս:

Չորեքշաբթի 20 փետրուարի առաւօտեան ժամը 11,30-ին Վատիկանի մամլոյ գրասենաեկի` ՅՊԲ անուան սրահին մէջ` Տիար Ամպրոճօ Բիացցոնի` Վատիկանի Մատենադարանի Փոխ Կառավարիչը, մամուլի ասուլիսի ընթացքին ներկայացուց Կարդինալական Պապընտիր Ժողովներու պատմականը վերջին տարիներուն։
Իր ելոյթի ընթացքին ` Տիար Բիացցոնին ներկայացուց Պըպընտիր ժողովներու ընտրական օրէնսդրութեան նախագիծերը սկսելով 1059 թուականէն երբ Նիքոլօ Բ Քահանայապետը կը հաստատէ թէ միայն կարդինալներն են որ իրաւունքն ու պարտականութիւնը ունին ընտրելու Քահանայապետը։
Ապա 1079-ին կը հաստատուի թէ քուէներու 2/3 մեծամասնութիւն կը կազմէ։ 1271 թուականին է (749 տարիներ առաջ) որ կը հաստատուի Կարդինալական Պապընտիր Ժողովը այսինքն ''Գոնքլաւը''։
Տիար Բիացցոնին նշել տուաւ թէ յաջորդ ''Գոնգլաւը'' 75 րդն է մինչ գաղտնի քուէարկութիւնը սկսած է 1621-ին։ 1903-էն մինչեւ այսօր տեղի ունեցած են 9 Պապընտիր ժողովներ եւ ընտրուած են հետեւեալ Քահանայապեատները` 1903-ին Պիոս Ժ, 1914-ին Պենետիկտոս ԺԵ, 1922-ին Պիոս ԺԱ, 1939-ին Պիոս ԺԲ, 1959 -ին Յովհաննէս ԻԳ, 1978 -ի օգոստոսին` Յովհաննէս Պօղոս Ա, 1978 -ի հոկտեմբերին Յովհաննէս Պօղոս Բ - այս թուականէն Սիքստինեան Մատուրը կը դառնայ Պապընտիր ժողովներու պաշտօնական վայր։
19 ապրիլ 2005-ին Պենետիկտոս ԺԶ կ՛ընտրուի Տիեզերական Եկեղեցւոյ 265-րդ Քահանայապետ։11 փետրուար 2013-ին Ան, զարմանքի մատնելով համայն աշխարհը, կ՛որոշէ իր հրաժարականը ներկայացնել հանդիսանալով Եկեղեցւոյ ժամանակակից պատմութեան հրաժարող առաջին Պապը։
Յառաջիկայ 28 փետրուարի ժամը 20էն հրաժարականը ի զօրու կը դառնայ եւ Քահանայապետական Աթոռը թափուր կը մնայ։
Տիար Ամպրոճօ Բիացցոնի իր միջամտութեան ընթացքին անդրադարձաւ նաեւ եկեղեցւոյ պատմութեան ընթացքին հրաժարող քահանայապետներուն նշելով թէ առաջինը եղած է` Բոնչիանօ Քահանայապետը 235 թուականին, ապա 537-ին Սիլվէրիօ Քահանայապետը հուսկ 7րդ դարուն Մարդինօ Ե Քահանայապետը։ Յովհաննէս ԺԸ հրաժարականը ներկայացուց 1009-ին ապա Պենետիկտոս Թ 1044 հրաժարած ու ապա հրաժարականը ետ քաշած։ Չէլսդինօ Ե Պապը 1294 ին դեկտեմբերին Քահանայապետ ընտրուելէն չորս ամիս ետք կը հրաժարի իսկ Գրիգոր ԺԲ 1415-ին կը հանդիսանայ պատմութեան եօթերորդ Քահանայապետը որ հրաժարած է Սուրբ Պետրոսի Աթոռէն ։