Інданэзійскі кардынал адмовіўся ад удзелу ў канклаве
78-гадовы арцыбіскуп
Джакарты на пенсіі не прыме ўдзелу ў будучым канклаве з-за сур’ёзных праблем са зрокам.
Кардынал Юліус Рыядзі Дармаатмаджа пацвердзіў агенцтву “AsiaNews” прагрэсіруючае пагаршэнне
зроку, што не дае яму дастатковай магчымасці чытаць тэксты і дакументы. Такім чынам,
на сённяшні дзень, на канклаве чакаецца 116, замест 117 кардыналаў. Былы пастыр дыяцэзіі
Джакарта заявіў, што яго выбар “свабодны і асабісты”. На яго думку, немагчымасць чытаць
тэксты і дакументы з’яўляецца перашкодай занадта вялікай, каб працаваць самастойна
і без клопатаў.
Інданэзійскі кардынал “цалкам разумее” рашэнне Бэнэдыкта XVI.
“Я адчуў гэта на сваёй скуры, калі быў арцыбіскупам Джакарты і вырашыў сысці ў адстаўку
па дасягненні 75 гадоў”. Бо, каб быць біскупам сталіцы, трэба мець “добрую фізічную
форму”, - сказаў іерарх.
Кардынал Дармаатмаджа прызнае свой “глыбокі смутак”
з-за фізічнай немагчымасці паехаць у Рым і прыняць удзел у канклаве, але лічыць сваё
рашэнне правільным, што дапаможа не “ламаць пратакол” і не перашкаджаць працы кардынаў.