Քրեմլինի մամլոյ ծառայութիւնը հաղորդեց, որ Յորդանանի Ապտալլա Բ. թագաւորը այսօր Մոսկուա
պիտի այցելէ եւ Ռուսիոյ նախագահ Վլատիմիր Փութինի հետ քննարկումներ պիտի կատարէ: Քրեմլինի
մամլոյ ծառայութիւնը յայտնեց, որ Մոսկուայի մէջ տեղի ունենալիք քննարկումները պիտի կեդրոնանան
Միջին Արեւելքի տագնապի լուծման եւ Սուրիոյ կացութեան վրայ` նշելով, որ երկու կողմերը
նաեւ պիտի քննարկեն երկկողմանի յարաբերութիւններուն թղթածրարը եւ զանոնք առեւտրական,
տնտեսական, ներդրումի եւ ուժանիւթի մարզերուն մէջ զարգացնելը: