ግብጺ፦ ምስረታ ቤት ምኽሪ ኣቢያተ ክርስቲያን

ኣብ ግብጺ ናይ ዝርከባ ኣቢያተ ክርስቲያን ወከልቲ ትማሊ ንጎሆ ኣብ ናይ ግብጺ ኦርቶዶክሳዊት ቤተ ክርስቲያን ካቴድራል ቅዱስ ማርቆስ ናይ ግብጺ ኦርቶዶክሳዊት ቤተ ክርስቲያን ኣብ ግብጺ ናይ እትርከብ ካቶሊካዊት ቤተ ክርስቲያን ናይ ግሪክ ስርዓት እትኽተል ኦርቶዶክሳዊት ቤተ ክርስቲያን ናይ ኣንግሊካዊትን ከምኡ እውን ናይ ወንጌላዊት ቤተ ክርስቲያን ወከልቲ ኣብ ዘካየድዎ ናይ ሓባር ኣኼባ ኣብ ግብጺ ቤት ምኽሪ ኣቢያተ ክርስቲያን ክቐም ከማተሰማምዑ ፊደስ ናይ ዜና ኣገልግሎት ገሊጹ።
ኣብቲ ዝተኻየደ ኣኼባ ናይ ግብጺ ኦርቶዶክሳዊት ቤተ ክርስቲያን ፓትሪያርክ ብፁዕ ወቅዱስ ታዋድሮስ ካልኣይን ኣብ ግብጺ ናይ ካቶሊካዊት ቤተ ክርስትያን ጳጳስ ብፁዕ ኣቡነ ኢብራሂም ኢሳክ ሲድራክን ናይ ግሪክ ስርዓት እትኽተል ኦርቶዶክሳዊት ቤተ ክርስቲያን ፓትሪያርክ እውን ከምእተሳተፉ ክምልከት እንከሎ፣ እቲ ዝቖመ ናይ ኣቢያተ ክርስቲያን ቤት ምኽሪ ኣብ ግብጺ ንውህደት ዝኣመተ ናይ ኣቢያተ ክርስቲያን ናይ ሓባር ዘተ ዘነቓቕሕን ዘሳልጥን ኣብታ ሃገር ንናይ ሓባር ናብራ ኣብ ዝግበር ጻዕሪ ዝድግፍን ምስ ካልኦት ሃይማኖታት ሰላማዊ ናይ ሓባር ናብራ ዘነቓቕሕን ምእንቲ ሓባራዊ ናይ ሰላም ናብራ ዝዓዪ ምዃኑ ኣብ ግብጺ ኣሲዩት ናይ እስክንድሪያ ስርዓት እትኽተል ካቶሊካዊት ቤተ ክርስቲያን ጳጳስ ብፁዕ ኣቡነ ኪሪሊዮስ ዊሊያም ከምዝገለጺ ፊደስ ናይ ዜና ኣገልግሎት ሓቢሩ።
እቲ ዝቖመ ናይ ግብጺ ናይ ኣቢያተ ክርስቲያን ቤት ምኽሪ ማሕበራውን ባህላውን ናይ ሓባር መደባት ዘነቓቕሕን ዘይፖሊቲካውን ኣብ ናይ ካልኦት ኣቢያተ ክርስቲያን ውልቃዊ ጉዳይ እደ ኣታውነት ዘይህልዎን ኣብ መንጎ ዝተፈላለያ ኣቢያተ ክርስቲያን ሓቀይና ሌላ ዘነቓቕሕን በዚ መዳይ ኣቢሉ ሰላማዊ ናይ ሓባር ናብራ ንምሕናጽን ምእመናን ንናይ ሰላም ባህሊ ዝሓንጽ ምዃኑ ብፁዕ ኣቡነ ኪሪሊዮስ ዊሊያም ከምዝሓበሩ ዘመልከተ ፊደስ ናይ ዜና ኣገልግሎት ኣስዒቡ፣ እቲ ክቐውም ስምምዕ ዝተገብረሉ ናይ ሓባር ቤት ምኽሪ ኣቢያተ ክርስቲያን ኣብ ቀረባ እዋን ብወግዒ ተመሪቑ ሓፈሻዊ ዕዮኡ ክጅምር ድማ ተመንዮም ናይ ዝተፈላለያ ሃይማኖታት ናይ ሓባር ሰላማዊ ናብራ መሰረት ሰላማዊ ናይ ሓባር ናብራ እዩ ከምዝበሉ ገሊጹ።