Կազմակերպութեամբ Հայ Կաթողիկէ Մեսրոպեան Բարձրագոյն վարժարանի տեղեկատուական-ուսումնասիրական
աշակերտական խմբակին, ասիկա երրորդ տարին է որ, վարժարանի «Ֆարաճեան» լսարանին մէջ տեղի
կ՝ունենայ միջդպրոցական «Հրանդ Տինք» շարադրութեան մրցանքը: Նախաձեռնութիւնը նուիրուած
է Տինքի յիշատակին, որովհետեւ լրագրողը, Պոլսոյ «Ակօս» թերթի խմբագիրը, զոհ գնաց անմարդկային
ոճիրի մը, Հայոց ցեղասպանութեան հարցը հետապնդելու աշխատանքին պատճառով: Մրցանքին
առաջին երեք դիրքերը գրաւող աշակերտները պիտի ստանան նիւթական նուէրներ, մինչ առաջին
հանդիսացող վարժարանը պիտի ստանայ «Հրանդ Տինք»ին նշանակը, որ մինչեւ յաջորդ տարուան
մրցանքը կը մնայ շահող վարժարանին մօտ: Մրցանակաբաշխութիւնը տեղի պիտի ունենայ, մարտ
մէկին, որուն վարժարանին հրաւէրով ներկայ պիտի գտնուի «Ակօս» թերթի հայերէն բաժինի պատասխանատու
խմբագիր պրն. Սարգիս Սերոբեան: Այս առթիւ ներկաները դիտեցին Մեսրոպեան վարժարանի
աշակերտական խմբակին պատրաստած Տինքի վկայութիւնները ներկայացնող տեսերիզ մը, որմէ ետք,
մասնակիցները վարժարանի դասարաններուն մէջ գրեցին իրենց շարադրութիւնները: