Presidenti i Guatemalës takohet me Benediktin XVI. Argumentet: luftë kundër varfërisë
dhe trafikut të drogës
Sot paradite, Papa Benedikti XVI priti në audiencë presidentin e Republikës së Guatemalës,
Otto Fernando Pérez Molina. Gjatë takimit, informon një notë e Sallës së Shtypit të
Vatikanit, u shpreh “kënaqësia për marrëdhëniet e përzemërta ekzistuese ndërmjet Selisë
së Shenjtë dhe shtetit guatemaltez. U vlerësua kontributi i veçantë i Kishës në zhvillimin
e Guatemalës, sidomos në fushën e edukimit, të promovimit të vlerave njerëzore e shpirtërore,
në fushën e veprimtarive shoqërore e bamirëse, sidomos gjatë tërmetit të fundit, që
goditi popullsinë”. Gjatë bisedës u theksua dëshira për vazhdimin e bashkëpunimin,
me qëllim zgjidhjen e problemeve shoqërore, si varfëria dhe emigracioni, si edhe luftën
kundër trafikut të drogës e kriminalitetit të organizuar. Në fund, si Papa ashtu edhe
presidenti i Guatemalës u ndalën në rëndësinë e mbrojtjes së jetës njerëzore, nga
zënia deri në fundin e saj të natyrshëm.