Papa priti në audiencë presidentin e Rumanisë Basescu
Sot paradite më 15 shkurt, Ati i Shenjtë Benedikti XVI priti në Audiencë Presidentin
e Rumanisë, zotin Traian Basescu, i cili më pas u takua me Sekretarin e Shtetit të
Vatikanit, kardinalin Tarçizio Bertone, së bashku me Sekretarin e Selisë së Shenjtë
për Marrëdhëniet me Shtetet, kryeipeshkvin imzot Dominique Mamberti. Gjatë bisedimeve,
zhvilluar në një atmosferë të përzemërt, janë shqyrtuar marrëdhëniet e mira ndërmjet
Rumanisë e Selisë së Shenjtë. Në veçanti, është nënvizuar bashkëpunimi i frytshëm
në nivelin evropian për mbrojtjen e vlerave të përbashkëta e janë diskutuar disa perspektiva
bashkëpunimi ndërmjet Kishës Katolike e Shtetit rumun në fushën e edukimit. Gjatë
audiencës nuk mungoi as trajtimi i disa çështjeve të hapura që interesojnë bashkësinë
katolike në Rumani si dhe është theksuar kontributi i Kishës Katolike në integrimin
e bashkësisë rumune jashtë vendit.