Бэнэдыкт XVI: працягвайце маліцца за Папу і Касцёл
На пачатку агульнай
аўдыенцыі 13 лютага Бэнэдыкт XVI нагадаў, што “прыняў рашэнне адмовіцца ад служэння,
якое Пан даверыў яму 19 красавіка 2005 года”. “Я зрабіў гэта ў поўнай свабодзе для
дабра Касцёла, пасля таго, як доўга маліўся і здзейсніў перад Богам рахунак сумлення,
добра ўсведамляючы цяжар гэтага акту, але адначасова разумеючы, што я больш не ў стане
выконваць пятровае служэнне з той сілай, якой яно патрабуе”, - сказаў Святы Айцец.
Папа адзначыў, што яго падтрымлівае і асвятляе ўпэўненасць у тым, што Касцёл належыць
Хрысту, Які ніколі не зробіць так, каб яму не хапала кіравання і клопату. “Я дзякую
ўсім за любоў і малітву, якой вы мяне суправаджалі”, - сказаў Папа. Ён, адзначыў,
што у гэтыя нялёгкія для яго дні, амаль фізічна адчуваў моц любові Касцёла і малітвы
вернікаў. “Працягвайце маліцца за мяне, Касцёл, за будучага Папу. Няхай Пан нас вядзе”,
- сказаў Пантыфік.