117 кардыналаў прымуць
удзел у будучым канклаве, які адбудзецца ў Ватыкане ў сакавіку 2013 г. 60 іерархаў
будзе прадстаўляць еўрапейскія краіны, 19 лацінаамерыканскі кантынент, з Паўночнай
Амерыкі прыбудзе 14 іерархаў, з Афрыкі – 12, з Азіі – 11. Калі казаць пра паасобныя
краіны, самая вялікая колькасць пурпуратаў будзе прадстаўляць Італію – 28, ЗША – 11,
па 5 Германію, Бразілію, Іспанію і Індыю. З Польшчы прыбудуць 4 іерархі, у тым ліку
кардынал Станіслаў Дзівіш, былы асабісты сакратар бл. Яна Паўла ІІ.
У параўнанні
з апошнім канклавам 2005 г. не будзе прадстаўнікоў некалькіх краін, між іншым, Украіны
– кардыналу Любаміру Гузару 26 лютага споўніцца 80 гадоў, а таксама Латвіі.
Наймалодшым
удзельнікам будучага канклаву стане 54-гадовы індыйскі кардынал Базіліас Татункал,
а найстарэшым – былы старшыня Папскай рады спрыяння хрысціянскаму адзінству кардынал
Вальтэр Каспер, які 5 сакавіка будзе святкаваць 80-годдзе, але ў сілу новага закона
зможа ўдзельнічаць у канклаве, паколькі дзень яго нараджэння прыпадае паміж датай
абвяшчэння “sede vacante” і пачаткам сходу Калегіі кардыналаў.