У ізраільскіх і палестынскіх
школьных падручніках, гэтыя народы прадстаўляюць адно аднаго ў негатыўнай і аднабокай
форме. На гэты сумны факт звярнуў увагу вікарый Іерусалімскага Патрыярхата арцыбіскуп
Уільям Шамалі, выступаючы на канферэнцыі на тэму “Міжрэлігійны дыялог і мір у Святой
Зямлі: актуальныя выклікі і перспектывы на будучыню”, якая прайшла ў Каталіцкім універсітэце
Тулузы. Прычыны, якія паглыбляюць напружанасць у рэгіёне іерарх заклікаў шукаць у
адукацыі і выхаванні моладзі. Ён нагадаў, аб серыі мінулагодніх актаў вандалізма супраць
некаторых хрысціянскіх святынь у Ізраілі. Арцыбіскуп Шамалі падкрэсліў, што гэтыя
ўчынкі былі рашуча асуджаны не толькі прадстаўнікамі хрысціянскай супольнасці, але
таксама мусульманскай і яўрэйскай. “Яны асудзілі акты вандалізма ўказваючы на корань
праблемы, які ляжыць у выхаванні фанатызму, якое часта адбываецца ў школах”, - сказаў
арцыбіскуп.
Адначасова іерарх падкрэсліў, што ў хрысціянскіх школах, у якіх
навучаюцца таксама шматлікія мусульманскія дзеці, адбываецца выхаванне ў духу узамнай
павагі і міру, бо “дыялог не павінен абмяжоўвацца інтэлетуальнай сферай, але ахапіць
усе сегменты грамадства”.