Կարդինալ Պերթոնէ Կը Հաստատէ ''Քրիստոնէութիւնը Միշտ Զօրավիգ Եղած Է Մարդկութեան։''
Վատիկանի Պետական Քարտուղարը` կարդինալ Թարչիսիօ Պերթոնէն ''Պետրոսի ուղեւորութիւնը''
ցուցահանդէսի բացումը կատարելով, 6 փետրուարին, խօսք մը ուղղեց ոչ-հաւատացեալներուն յայտարարելով
թէ քրիստոնէութիւնը միշտ պիտի մնայ մարդկութեան անվերապահ ու վստահելի դաշնակից մը։ Աշխարհի
բոլոր հանրավարութիւնները գիտեն որ ոչ մէկ ընկերութիւն կարող է կանգուն մնալ առանց ամուր
դաշնակիցի մը։ Այդ դաշնակցութիւնը կը հիմնուի փոխադարձ վստահութեան, ամուր կապերու, արդարութեան
ու պատասխանատուութեան արժէքներու վրայ։ Նշենք որ ''Պետրոսի ուղեւորութիւնը'' ցուցահանդէսը
կազմակերպուած է Հաւատքի տարւոյն առթիւ նախաձեռնութեամբ նոր աւետարանութեան քահանայապետական
խորհուրդի։ Անիկա տեղի կ'ունենայ Հռոմի ''Գասթել Սանդ՛ Անճէլօ'' կոչուած դեղեակին մէջ,
կը պատկերացնէ ս. Պետրոս առաքելապետի կեանքը։ Ցուցահանդէսը ուղղուած է քրիստոնեայ
հաւատացեալներուն, ոչ-քրիստոնեաներուն ու բարի կամք ունեցող մարդոց, այս ուղղութեամբ
գերապայծառ ֆիզիքելլա` նախագահը նոր աւետարանութեան քահանայապետական խորհուրդին ըսաւ.
''մարդը հաւատացեալ թէ ոչ, միշտ հետամուտ եղած է գեղեցիկին''։ Ցուցահանդէսը հանրութեան
բաց կը մնայ մինչեւ մայիս մէկը։