Кардынал Бэртонэ: хрысціянтва – верны саюзнік у пабудове здаровага грамадства
З дапамогай твораў
мастацтва “натхнёных Евангеллем, магчыма паказаць прыгажосць і прыроду хрысціянскай
веры”. Гэта можа адбывацца “ў сугуччы з прапаведваннем і абвяшчэннем праўдаў аб Богу,
чалавеку, сусвеце”, - адзначыў кардынал Дзяржсакратар Тарчызіо Бэртонэ падчас адкрыцця
выставы “Шлях св. Пятра”, якое прайшло ў Рыме вечарам 6 лютага. Паводле іерарха, у
абвяшчэнні “самай высокай праўды” неабходна задзейнічаць самыя лепшыя сродкі, матэрыялы,
жэсты і словы: менавіта таму Касцёл заўсёды падтрымліваў любоў да мастацтва. “Дух
стварыцель, які з’яўляецца аўтарам і натхніцелем любой прыгажосці, не можа не радавацца
калі людзі, веруючыя ці неверуючыя, пад уплывам мастацтва, пачынаюць задаваць сабе
пытанні аб сэнсе, духоўныя пытанні аб жыцці”, - сказаў кардынал Бэртонэ.
Паводле
іерарха, выстава, прысвечаная св. Пятру, можа прывабіць увагу не толькі з інтэлектуальнага
ці эстэтычнага пункту гледжання, але таксама дзякуючы “унутранай сіле” персанажа якому
прысвечана. Ён адзначыў, што жыццё Князя Апосталаў, з’яўляецца цудоўным сведчаннем
таго, што вера – гэта “дар Бога” і калі яна “перажываецца ўпоўні – не можа пакінуць
чалавека няшчасным і пасрэдным”. “Св. Пётр паказвае ўсім нам, што калі мы не хочам
застацца няшчасным рыбамі злаванымі сеткай, павінны мець гарачую веру і надзею”, -
падкрэсліў кардынал. Паводле яго, “хрысціянская вера – гэта не халоднае і пагардлівае
валоданне праўдай, якую трэба бараніць”. “Бог – гэта любоў на якую можам разлічваць”,
сказаў іерарх і дадаў, што вера заключаецца ў тым, каб дазволіць гэтаму факту “захапіць
нас”.
Яшчэ адзін аспект на які звярнуў увагу кардынал Бэртонэ – гэта здольнасць
мастацтва спрыяць дабрабыту чалавечых грамадстваў. Гэта адбываецца праз само мастацтва,
а таксама падштурхоўванне да дабрачыннай дзейнасці, да разважання і пошуку, дзейнасці
на карысць супольнага дабра. Таму, паводле іерарха, неабходна каб і няверуючыя ведалі,
што ў штодзённым цяжкасцях, звязаных з будаваннем здаровага грамадства, хрысціянства
будзе для іх заўсёды блізкім і верным саюзнікам.