«Մահ իմացեալ անմահութիւն է» նախադասութեամբ մեր նախնիքը նետուեցան պատերազմի դաշտ, պաշտպանելու
կրօնն ու Հայրենիքի պատիւը, առանց որոնց Հայը պիտի դադրէր իր ինքնութենէն, Հայութիւնն
ու քրիստոնէութիւնր ապլրելով ազատութեամբ : Ահաւասիկ դարեր ետք, Հայու շառաւիղները
կը շարունակուին, Հայը կը գոյատեւէ, կ’ապրի որպէս Հայ, կը զործէ որպէս Հայ եւ նախնիներու
ջահր սերունդէ սերունդ կը շարունակուի դէպի անմահութիւն : Արդի ժամանակներու մէջ, նոյն
գաղափարականով մարդիկ աւերներ նաեւ սկսած են գործել, ինչպէս ահաբեկչական կազմակերպութիւնները.
անոնք՝ իրենց անձնասպանական գործողութիւններով կր փափաքին անմահանալ : Հայու անմահութիւնը
երբեք չի նմանիր եւ նմանած չէ այսպիսի լոզունքներու, այլ ան՝ ազգի մը գոյատելութեան,
հայ ազգի անմահութեան, կրօնի ազատութեան համար արտասանուած է : Յազկերտի բոլոր փորձերը
ապարդիւն մնացին, որովհետեւ Հայու կամքը կը գերազանցէր ամէն աշխարհային, երկրաւոր եւ
քաղաքական հաշիւներ : Արդի ժամանակներուն մէջ Յազկերտներու թիւը շատ աւելի է եւ անոնց
աւերները շատ աւելի խորտակիչ : Մեծագոյն Յազկերտը կը նկատենք այժմ ձուլումը : Կը սարսափինք
երբ կը մտածենք ազգաձուլման մասին եւ նոյնիսկ ընկերաբանական հաշիւներու կը դիմենք ըսելու,
թէ արեւելքի մէջ ձուլումը աւելի դանդաղ կը յառաջանայ, քան արեւմուտքի մէջ : Մեր նախնիքը,պարտադրուած
ազդափոխման ու կրօնափոխութեան՝ պատասխանեցին իրենց արեամբ : Արիւնը ազատութեան գինն է.
Քրիստոս, անձամբ իր արիւնով մարդկութեան շնորհեց ազատութիւն : Դարեր անցան Վարդաններու
սուրբ Պատերազմէն եւ ահա պահն է անգամ մը եւս մտածելու ազատութեան խորհուրդին ձգտող մարտիկներուն
մասին խոկալու եւ զննելու մեր ապրած կեանքը, որպէս Հայ : Հինգերորդ դարէն ի վեր Վարդանանքը,
Ղեւոնդեանքը դարձան հայ ազգի ու Եկեղեցւոյ պարծանքն ու պսակը : Հայ Եկեղեցին ամէն տարի
մեծ հանդիսութեամբ կը տօնէ Աւարայրի ճակատամարտին եւ 1036 վկաներուն յիշատակը, որովհետեւ
ան ազգային տօն մը ըլլալէ աւելի, է նաեւ եկեղեցական տօնակատարութիւն : Ինչպէս Եկեղեցին
ազգին համար կեանք պարգեւող աղբիւր է եւ ուղղեցոյցն փոթորիկներու վտանգներուն դէմ, այնպէս
է նաեւ Վարդանանքի դիմադրական պատերազմը : Ան իրար յաջորդող սերունդներու կրօնին եւ հայրենիքին
հանդէպ հաւատարմութեան կտակն է : Ազգը իր անցեալին հետ կապող կամուրջն է, որու միջոցով
կ’ապրինք եւ կը փորձենք ապրիլ մեր նախնիներուն շառաւիղով: Հայ երիտասարդն ու երիտասարդուհին,
ամենուրեք կ’ուզեն զգալ հպարտ, թէ Վարդանի նման հերոսներով ազգը փրկուած է անհետ կորուստէ,
երբ անոնք յայտնուած են Հայու ճակատագրին դիմաց : Վտանգներ ցցուած են պատմութեան ընթացքին,
բայց անոնցմէ ոչ մէկը կարողացած է խլել ապրելու կամքն ու ազատութիւնը Հայու մտքէն ու
հոգիէն : Գաղափարապաշտ երիտասարդը մասնաւորապէս եւ հայ ազգը ընդհանրապէս, ինչպէ՞ս
կ’ուզեն ապրիլ այսօր իրենց նախնիներուն կտակը, իրենց նախնիքներուն զոհողոլթիւնը ազգի,
ընդհանուրին բարիքին համար : Ւ՞նչ իմաստ ունի արդեօք Վարդանանքի պատգամը մեզի համար :
Արդեօ՞ք այս սուրբ պատգամը որքանո՞վ կ’ապրինք : Առիթն է անգամ մը մտածելու Վարդանանքի
այս տարուայ յիշատակոլթեան առիթով, թէ մեր հաւատարմութիւնը ազգային եւ եկեղեցական պարտականութիւններուն
հանդէպ որքանով կ'իրագործուին : Վարդանանքը այժմ մեզ թող սթափեցնէ մեր թմբիրէն, եթէ
կ’ուզենք ապրիլ մեր ազգային եւ եկեղեցական ամբողջական կոչումը : Նահատակներու, հայ ազգի
պատմութեան բոլոր նահատակներուն, Վարդանանքի մարտիկներէն մինչեւ Հրանդ Տինք, որոնք բոլորն
ալ անխտիր եղան ազատութիւն ցանկացող ռահւիրաներ, թող մեր ամէնօրեայ կեանքին ուղղութիւնը
տան : Հայր Գէորգ Վրդ Ասատուրեան