Հաւատոյ Տարուայ Առթիւ ''Պետրոսի Ճանապարհը'' Ցուցահանդէս։

Երեքշաբթի 5 փետրուար 2013-ի առաւօտեան ժամը 11,30-ին, Վատիկանի մամլոյ գրասենեակի ՅՊԲ անուան սրահին մէջ, տեղի ունեցաւ մամլոյ Ասուլիս մը ներկայացնելու համար ''Պետրոսի Ճանապարհը'' խորագրով ցուցահանդէսը սարքուած` Հռոմի Գասթել Սանդ՛Անճէլօ կոչուած դղեակի սրահներուն մէջ։
Մամլոյ ասուլիսի ընթացքին ելոյթ ունեցան Նոր աւետարանութեան Քահանայապետական խորհուրդի նախագահ` գերապայծառ Րինօ ֆիզիքելլա եւ Հայր Ալէսսիօ Ճէրէթթի` ցուցահանդէսի հոգաբարձուն։ Ցուցահանդէսի բացումը կը կատարուի չորեքշաբթի 6 փետրուարի երեկոյեան ժամը 6-ին Վատիկանի Պետական Քարտուղար` Կարդինալ Թարչիզիօ Պերթոնէի հովանաւորութեմաբ։